Sher O Shayari Collection|Ghazals|Shayaris Sad|Love|BrokenHeart Short|TwoLine|Hindi|Urdu

Shayaris|HindiKavita InspirationalShayaris MotivationalShers|UrduSherShayaris

Firaq GorakhPuri Shayari-Ab aksar chup-chup se rahe hain youN hi kabhu

Posted by amiT jaiN on Monday, December 12, 2011


Ab aksar chup-chup se rahe hain youN hi kabhu lab khole hain
Pahle "Firaq" ko dekha hota ab to bahut kam bole hain

Din mein hum ko dekhne waalo apane apane hain auqaat
Jaao na tum in Khusk aaNkhon par hum raaton ko ro le hain

Fitrat meri ishq-o-mohabbat kismat meri tanhaai
Kahane ki naubat hi na aayi hum bhi kasu ke hole hain

BaaG mein wo Khwaab-aavar aalam mauj-e-sabaa ke ishaaron par
Daali Daali nauras patte sahas sahaj jab Dole hain

Uf wo labon par mauj-e-tabassum jaise karavaTein len kaunden
Haay wo aalam jumbish-e-mizagaaN jab fitne par tole hain

In raaton ko harim-e-naaz kaa ik aalam hoye hai nadiim
khalvat mein wo narm ungaliyaaN band-e-qabaa jab khole hain

[hariim-e-naaz=; khalvat=solitude; ba.nd-e-qabaa=buttons of the dress]

Gham ka fasaana sunane waalo aaKhir-e-shab aaraam karo
Kal ye kahaani phir chheDenge hum bhi zara ab so le hain

[aaKhir-e-shab=end of night]

Hum log ab to paraaye se hain kuchh to bataao haal-e-"Firaq"
Ab to tumhi ko pyaar kare hain ab to tumhi se bole hain





Reactions:

Subscribe to feeds or receive shayaries by email Subscribe to Feeds

0 comments:





Subscribe to: Post Comments (Atom)
    Subscribe by E-mail