Sher O Shayari Collection|Ghazals|Shayaris Sad|Love|BrokenHeart Short|TwoLine|Hindi|Urdu

Shayaris|HindiKavita InspirationalShayaris MotivationalShers|UrduSherShayaris

Khaak ho jaayeNge hum tumko KHabar hone tak Gazals of Mirza Gaalib

Posted by amiT jaiN on Saturday, August 09, 2008



Gazals of Mirza Ghalib



Aah ko chahiye ek umar asar hone tak
Kaun jeeta hai teri zulf ke sar hone tak

Daam har mauj meiN hai halqa-e-sad kaam-e-nahaNg
DekhaiN kya guzri hai katre pe guhar hone tak

[ daam = net/trap, mauj = wave, halqa = ring/circle, sad = hundred,
nahaNg = crocadile, sad_kaam-e-nahaNg = crocadile with a hundred
jaws, guhar = pearl ]

Aashiqi sabr talab aur tamanna betaab
Dil ka kya rang karooN KHoon-e-jigar hone tak

Hum ne maana ke taGHaful na karoge, lekin
KHaak ho jaayeNge hum tumko KHabar hone tak

Partav-e-khur se hai shabnam ko fanaa ki taalim
MaiN bhi hooN ek inaayat ki nazar hone tak

Yak nazar besh naheeN fursat-e-hastee GHaafil
Garmi-e-bazm hai ik raqs-e-sharar hone tak

GHam-e-hastee ka Asad kis se ho juz marg ilaaz
Shamma'a har rang meiN jaltee hai sahar hone tak



Reactions:

Subscribe to feeds or receive shayaries by email Subscribe to Feeds

0 comments:





Subscribe to: Post Comments (Atom)
    Subscribe by E-mail